Dunnubringa

við appilsineplum

Tann eyðkendi smakkurin av dunnu, kryddað við frískum appilsinsmakki. 😋

Tilfar til 4 fólk

  • 2 dunnubringur
  • 500 g av eplum
  • 100 g sellarírót
  • 1 vistfrøðiliga appilsin
  • 1 tsk. av turkaðum rosmarin
  • Salt og pipar
  • 6 svørt piparkorn
  • 50 g av dunnufeitti ella smøri
  • 40 g av hveitimjøli
 
  •  

Soleiðis gert tú

  • Sker smáar rivur í skinnið við einum hvøssum knívi uttan at skera niður í sjálvt kjøtið.

  • Gníggja við salti og pipari.

  • Flys eplir og sellarírót, og sker í smáar bitar.

  • Skola appilsinina, og rív gula skalið oman av.

  • Pressa saftina úr appilsinini.

  • Hita eina djúpa pannu ella eina grýtu við tjúkkum botni.

  • Brúnka kjøtið á báðum síðum við høgum hita.

  • Tak kjøtið av pannuni, og krydda við salti og pipari.

  • Steik eplir og sellarírót í dunnufeittinum í 5-6 minuttir. Rør javnan.

  • Koyr í eitt eldfast fat, og krydda við rosmarin, salt og pipar.

  • Lat saftina og rivna skalið av appilsinini í, og blanda væl saman. Legg dunnubringurnar omaná eplini, og steik í ovninum á 200 stigum í uml. 30 minuttir.

  • Lat kjøtið hvíla í 5 minuttir, og sker tað í álir.

Væl gagnist!