Jóladunnan
– soleiðis steikir tú jóladunnuna
Hvørji jól fylgir Bo Møller, marknaðarleiðari í FK, trúfast hesi upp skriftini, tá hann steikir dunnu. Tað hevur hann gjørt síðani FK í áttatiárunum seldi eina røð av kókibóklingum. Uppskriftin er úr bóklinginum “Jul fra Brugsen”.
Vit endurgeva her hesa nostalgisku og einføldu uppskriftina.
Tilfar
- Dunna, uml. 2800 g
- 1,5 tsk av salti
- 2 súrlig súrepli, flust og skorin í bátar
- uml. 100 g av sviskum uttan steinar
- Steikitíð: dunna, 3000 g, 2 t. 15 min – 2 t. 45 min
Sós
- Veingir, hálsur, krás og hjarta 0,75 l av vatni
- 1 kvist av timian
- 1 leyk
- 1 tsk av salti 4 piparkorn
- 12 tsk av maizena, salt, pipar og kulør eftir tørvi
Tilhoyr
- Hvít epli
- brúnkað epli
- reyðkál
- súltutoy
Soleiðis gert tú
- Kóka dunnuna innan og uttan. Klipp uttastu veingjarbroddarnar og eitt sindur av skinninum á hálsinum av og legg til síðis. Fest restina av hálsinum og veingjunum á ryggin við kjøtpinnum.
- Gníggja dunnuna við salti og fyll hana við súreplum, sviskum og livur í terningum, sum tær nú dámar.
- Lat dunnuna aftur við kjøtpinnum og legg hana við rygginum upp í steikiskuffu.
- Steik hana í umleið hálvan tíma við 160 stigum.
- Kóka ímeðan grundina til sósina. Kóka spakuliga í umleið ein hálvan tíma veingjarbroddar, háls, hjarta og krásina í vatni við timian, leyki, salti og piparkornum til suppu. Síla fylluna í suppuni frá og set suppuna til síðis.
- Vend dunnuni og solda ovasta feittið, sum er smeltað av dunnuni, frá. Stoyt suppuna í steikiskuffuna og steik dunnuna lidna við 160 stigum alt eftir, hvussu nógv hon vigar.
- Stoyt síðani soðið av skuffuni og skúma feittið frá. Til seinast skal dunnan steikjast í umleið 10 minuttir við 225 stigum, so hon verður brún og gylt.
- Javna soðið við maizena og smakka til við salti og pipari. Rør kulør í eftir egnum tykki.